Ministria e Drejtësisë i ka dërguar dosjen e plotë ministrisë së Drejtësisë në Kroaci, për çështjen e ekstradimit të Ismail Morinës në Serbi.
Në këët dosje, Ministria e Drejtësisë bën me dije autoritetet në Kroaci, se nëse Morina ekstradohet në Serbi, do të gjendet në rrezik.
Sipas ministrisë së drejtuar nga Gazmend Bardhi, ekstradimi i Morinës është i motivuar politikisht ndaj kërkon që ai të mos ekstradohet.
“Shpresoj që kërkesa të merret në konsideratë dhe Ismail Morina të mos ekstradohet në Serbi”, thuhet në njoftimin e ministrisë.
Kujtojmë se Ismail Morina, i njohur si “Ballisti”, në vitin 2014 ngriti dronin në stadiumin e Beogradit, në ndeshjen Serbi-Shqipëri.
Në këto momente ai rrezikon ekstradimin drejt Serbisë pas vendimit të Gjykatës së Shkallës së Parë të Dubrovnikut në Kroaci. (D.D/Shuplaka)
