Ministria e Jashtme Shqiptare dënoi sot zyrtarisht sulmet me armë kimike të ndodhura në Siri, në rajonin e Khan Sheikhun, ku gjetën vdekjen gra e burra por edhe fëmijë.
Ministria e Jashtme ka mbështetur në deklaratën e saj përpjekjet për një hetim ndërkombëtar të menjëhershëm, në mënyrë që autorët e kësaj masakre të dalin përpara përgjegjësisë.
DEKLARATA:
Ministria e Punëve të Jashtme dënon me forcë sulmin me armë kimike në Siri, kundër civilëve të pafajshëm, përfshirë gra dhe fëmijë. Ky akt monstruoz përbën dhunim të Konventës mbi Armët Kimike (CWC) dhe një tjetër veprim të patolerueshëm në konfliktin tashmë gjashtë vjeçar në Siri.
MPJ mbështet përpjekjet për një hetim ndërkombëtar të menjëhershëm në mënyrë që autorët të vihen para përgjegjësisë.
MPJ thekson se ndalimi i armiqësive dhe arritja e një zgjidhjeje politike, janë rruga e vetme për t’i dhënë fund konfliktit në Siri dhe pasojave katastrofike të tij.
Numri i viktimave në sulmin me gaz klorin të ndërmarrë nga forcat e regjimit të Bashar al Asadit në qytetin verior të Sirisë, Idlib po rritet.
Nga gazi mendohet se janë prekur 220 civilë.
(M.D/ Shuplaka)
Discussion about this post