Ministria e shëndetësisë ka lajmëruar se një tjetër pacient i shtruar në Spitalin Infektiv ka ndërruar jetë, ndërsa ndodhej në terapi intensive si pasojë e infektimit me Covid-19.
Mësohet se bëhet fjalë për një 70-vjeçar nga Shkodrë i konfirmuar me COVID19, i cili vuante nga diabeti dhe ishte i shtruar prej disa ditësh në gjendje të rëndë.
Nga fillimi i epidemisë, 56 qytetarë të konfirmuar me COVID19 e kanë humbur betejën me sëmundjen ndërsa vetëm 24 orët e fundit janë shënuar 3 viktima.
“Një humbje jete ka ndodhur në spitalin infektiv, si pasojë e COVID19. Një pacient 70 -vjeçar nga Shkodra, i cili po trajtohej në terapi intensive nuk e ka fituar dot betejën me COVID19, me gjithë asistencën e madhe mjekësore. 70-vjeçari i konfirmuar me COVID19, vuante nga diabeti dhe ishte i shtruar prej disa ditësh në gjendje të rëndë.
Ministria e Shëndetësisë i shpreh ngushëllime familjes së të ndjerit dhe i kujton edhe një herë qytetarëve të tregojnë kujdes me respektimin e rregullave, distancimin fizik, përdorimin e maskës, higjienën vetjake, pēr të kufizuar përhapjen e COVID19. Nga fillimi i epidemisë, 56 qytetarë të konfirmuar me COVID19 e kanë humbur betejën me sëmundjen”, njofton ministria.
(F.GJ/FAXWEB.AL)
Discussion about this post