Ministria e Shëndetësisë ka publikuar ditën e sotme një poster me natyrë këshilluese që i vjen në ndihmë të gjithë atyre që kanë në shtëpi familjarë të prekur prej COVID-19, apo që dyshohet se janë të infektuar nga ky virus.
Disa nga këshillat që duhet të ndiqni në të tilla raste, të rekomanduara nga Organizata Botërore e Shëndetësisë, janë renditur si më poshtë:
-Duhet të sigurohemi që personat e prekur nga sëmundja të pushojnë, të pijnë lëngje si dhe të ushqehen shëndetshëm.
-Në momentin që kujdesemi për të sëmurin dhe jemi në dhomën e tij duhet të vendosim maskë mjekësore.
-Duhet të lajmë duart me ujë dhe sapun ose akoma më mirë me alkool në momentin kur: kemi patur kontakt me personin e sëmurë apo mjedisin përreth tij; përpara, gjatë dhe pas përgatitjes së ushqimit si dhe në momentin e ngrënies; pas përdorimit të WC-së.
-Për të sëmurin rekomandohet të përdoren gota, pjata, pajisje të ngrëni, ushqime dhe çarçafë të veçantë. Këto duhen larë më pas me ujë dhe sapun.
-Duhen identifikuar sipërfaqet e prekura nga i infektuari dhe më pas duhet bërë pastrimi si dhe dizinfektimi i tyre.
-Duhen thërritur menjëherë punonjësit e shërbimit shëndetësor, nëse gjendja e të sëmurit përkeqësohet apo në rastet kur ai ka vështirësi në frymëmarrje.
Discussion about this post