Një nga temat që ka hapur me së shumti debat kohët e fundit është dhe përfshirja e administratës në fushatën elektorale. Për të gjithë punonjësit ka një urdhër të prerë: asnjë pjesëmarrje në tubimet dhe takimet partiake brenda orarit të punës.
Këtë ka deklaruar dhe kryeministri Rama, pas punë ‘’bëni ç’të doni’’, është shprehur ai. Një nga personat që e zbaton me përpikmëri këtë urdhër është dhe ministrja Klajda Gjosha.
Në një intervistë për ‘’InTv’’ ajo shprehet se është një nga të parat që e zbaton urdhrin e kryeministrit. Edhe pse është e para në listën e LSI-së për deputete në qarkun e Tiranës, ministrja e Integrimit e ka shumë të qartë se aktivitetet fillojnë në pjesën e dytë të ditës.
‘’Pjesa e parë e ditës i dedikohet Ministrisë, brenda orarit zyrtar, edhe administrata bën të njëjtën gjë. Dhe pjesa e dytë e ditës është fushatë deri në orët e vona të natës. Të gjithë personat që punojnë në ministri e kanë të qartë që nuk duhet të përfshihen në fushatë’’, shprehet Gjosha. (E.K/SHUPLAKA)
