Para pak ditësh ministrja e Arsimit dhe Sportit, Mirela Karabina, ka shkarkuar nga detyra drejtoreshën e Zyrës së Arsimit në qytetin e Vlorës, Albana Hodaj, e cila akuzohet për përfshirje në fushatë elektorale.
Mirëpo sot shërbimi civil kërkon që Hodaj të kthehet në punë. Sipas njoftimit të Shërbimit Civil, pezullimi i Albana Hodajt është i pavlefshëm për këtë arsye, Hodaj rikthehet në punë.
Pas ekzekutimit të urdhrit të pezullimit, pak ditë më parë Ministria e Arsimit njoftonte se Hodaj ka vepruar e imponuar nëpërmjet presionit të ushtuar nga ana e Sekretarit të Përgjithshëm të Ministrisë së Arsimit dhe Sportit z. Plarent Ndreca, i cili u pezullua sot.
“Pezullimi i drejtueses së DAR Vlorë ka ardhur si pasojë e kundërshtimit për të zbatuar veprimtarinë dhe përgjegjësitë institucionale të titullarit të Institucionit të Ministrisë së Arsimit dhe Sportit, të përcaktuara në Vendimin e Këshillit të Ministrave Nr. 473, datë 01.06.2017, “Për marrjen e masave dhe monitorimin e veprimtarisë, sjelljes apo përdorimit të burimeve njerëzore, financiare dhe logjistike të administratës shtetërore, gjatë procesit zgjedhor për zgjedhjet në Kuvendin e Shqipërisë për vitin 2017”.”, thuhej në njoftimin e ministrisë.
Discussion about this post