Departamenti i Administratës Publike ka rrëzuar vendimin e Ministrisë së Arsimit për të shkarkuar nga detyra sekretarin e Përgjithshëm Plarent Ndreca. Kjo sepse sipas DAP, pezullimi nga puna për Ndrecën, nuk kishte vlerë juridike.
Kujtojmë se më 12 qershor, Ministrja e Arsimit dhe Sportit Mirela Karabina ka depozituar në Prokurorinë e Përgjithshme dhe në Prokurorinë e Rrethit Gjyqësor Tiranë kallëzimin penal për Plarent Ndrecën, Sekretar i Përgjithshëm pranë kësaj ministrie.
Sipas ministrisë ky kallëzim vjen pasi Ndreca ka bërë shkelje të rënda ligjore të kryera jashtë kompetencave të funksionit të tij që cënojnë veprimtarinë e ministrisë gjatë procesit të Maturës Shtetërore 2017.
Gjithashtu, Ministria e Arsimit dhe Sportit Mirela Karabina ka depozituar pranë Departamentit të Administratës Publike, kërkesën zyrtare për lirimin e menjëhershëm të Ndrecës nga funksioni i Sekretarit të Përgjithshëm. (D.D/Shuplaka)
Discussion about this post