Pas një vazhde sulmesh nga ish-kryeministri Berisha për sekretarin e Përgjithshëm të Ministrisë së Arsimit Plarent Ndreca, ministrja e re teknike Mirela Karabina e ka pezulluar këtë të fundit nga detyra.
Mirëpo pezullimi nuk ka të bëjë me sulmet e Berishës ndaj tij. Sipas njoftimit të ministrisë, sekretari Plarent Ndreca pezullohet nga detyra për shkak se është kallëzuar për goditje për shkak të detyrës. Një ditë më parë ministrja e denoncoi sekretarin në Prokurori.
“Në datë 8 qershor 2017 është regjistruar kallëzim penal ndaj shtetasve Plarent Ndreca dhe Dorina Laci të dyshuar për kryerjen e veprës penale të “goditjes për shkak të detyrës”. Këta shtetas dyshohet se kanë qenë të pranishëm në ambientet e shkollës së mesme “Shote Galica” Fushë Krujë në kohën kur aty po zhvillohej provimi i Maturës Shtetërore, të pa pajisur me autorizim nga autoritetet përkatëse”, thuhet në njoftimin e ministrisë. (D.D/Shuplaka)
[ngg_images source=”galleries” container_ids=”2112″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
Discussion about this post