Ministrja e Shëndetësisë, Ogerta Manastirliu gjatë një video-mesazhi në Facebook në lidhje me masat për rihapjen e vendit ka folur edhe për aktivitetet sportive.
Manastirliu tha se stërvitjet në ambiente të hapura do të lejohen duke nisur nga data 18 maj. Pra, pas 10 ditësh.
“Në vijim të planit, prej datës 18 maj nis procesi mësimor dhe provimet e maturës shtetërore, hapen baret dhe restorante vetëm me ambiente të jashtme, shtohen fluturimet nga jashtë, hapen muzetë dhe sitet arkeologjike, lejohen stërvitjet në ambiente të hapura, ndalohen aktivitetet sportive dhe kulturore”,tha ministrja
Sipas deklaratës së ministres së Shëndetësisë kampionati shqiptar i futbollit do të nisë dy javë më vonë, sepse duhen minimalisht dy javë stërvitje që futbollistët të kapin ritmin.
Kujtojmë se një ditë më parë ministria i dërgoi një letër FSHF në lidhje me rihapjen dhe kushtet për lejimin e aktiviteteve.
Discussion about this post