Ministrja teknike e Financave, Helga Vukaj, ka urdhëruar nisjen e procedimit penal ndaj 44 punonjësve të Administratës Shtetërore.
Shkak i këtij urdhri është pretendimi se 44 nënpunësit e administratës kanë thyer urdhrin e monitorimit dhe VKM-në 473, duke cenuar në këtë mënyrë standardin zgjedhor. Kjo kërkesë përfshin punonjësit e tatimeve, doganave, shërbimit të tatimpaguesve.
“Dokumentacioni u është përcjellë sot institucioneve përkatëse, më konkretisht: Drejtorisë së Përgjithshme të Tatimeve, Drejtorisë së Përgjithshme të Doganave, Drejtorisë së Shërbimit të Tatimpaguesve, Shtypshkronjës së Letrave me Vlerë si dhe FAF sha.
Kërkesa e Ministrisë së Financave për procedimin displinor të këtyre punonjësve, erdhi pas inspektimeve intensive të grupeve të punës të cilat konstatuan se personat në fjalë nuk kanë qenë prezent në punë, mungesë e cila, gjatë monitorimit, nuk është përligjur me asnjë akt shkresor apo dokumentacion justifikues.
Këto raste u përkasin inspektimeve të kryera që nga momenti i hyrjes në fuqi të VKM-së 473, dt. 01.06.2017 deri më datë 21.06.2017”, sqaron Ministria.
(XH.A/SHUPLAKA)
