Një bandë e vogël shqiptare e përbërë prej tre personash dhe e specializuar për thyerje banesash u arrestua nga karabinierët italianë.
Një patrullë mbërriti në vendin e ngjarjes, ku të rinjtë ishin duke kryer vjedhjen, ndërsa kanë pikasur dy persona që u ngjitën me shpejtësi në një automjet tip Ford duke ikur me shpejtësi të lartë drejt Vicenzës.
Fordi u ndal pas disa miljesh nga policia Caldogno-Costabissara. Agjentët gjetën brenda mjetit tre shqiptarë me banim në Milano, përkatësisht me inicialet: T.N. e L.D. 20 vjeç dhe G.A. 39-vjeç, i njohur për policinë si ekspert grabitjesh apo me nofkën “minj apartamentesh” për shkak të aftësisë së tyre për të depërtuar në çdo banesë.
Karabinierët janë të bindur se tre shqiptarët formojnë një bandë të specializuar për vjedhjet në Alto Vicentino, të kryera muajt e fundit.
(E.K/Faxweb)
