Një ndeshje për t’u harruar ka qenë ajo e djeshmja me Bosnjen për skuadrën tonë Kombëtare të Futbollit. Duhet thënë se ecuria e De Biazit dhe skuadrës që ai po drejton nuk ngjan fare me Shqipërinë e para Europianit.
Edhe mediat italiane i kanë kushtuar më shumë rëndësi faktit se në ndeshjen mes Shqipërisë dhe Bosnjës kanë qenë protagonistë dy futbollistë të cilët i përkasin skuadrave romane, Romës dhe Lacios.
“Festa Xheko, goli numër 50 me Kombëtaren”, shkruan “Corriere Dello Sport” për duelin e kuqezinjve ndaj boshnjakëve.
Ndërsa portali italian “Vavel” i ka vënë titullin “De Biazi fundoset nga Seria A e tij”, duke kujtuar se golat i shënuan dy lojtarët “italianë” të Bosnjës, ata që aktivizohen në Serinë A.
“Sportmediaset” në përmbledhjen e miqësoreve të sotme shkruan “Bosnja i fut stërkëmbëshin Shqipërisë”, duke theksuar se pas humbjes në Palermo, Shqipëria e De Biazit është dorëzuar edhe në Elbasan. (E.K/SHUPLAKA)
[ngg_images source=”galleries” container_ids=”1443″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
Discussion about this post