Dy punëtor humbën jetën dhe tre të tjerë janë plagosur rëndë nga ngjarja tragjike që ka tronditur kryeqytetin dy ditë më parë në kryeqytet teksa po punonin në restaurimin e fasadës së një pallati.
Njëri nga viktimat është Ergys Ibrahimi, nga Gramshi i cili është përcjellë për në banesën e fundit ditën e sotme në orën 11:00.
Familjarët dhe miqtë e Ergys Ibrahimit, një prej punëtorëve të ndërtimit që ndërroi jetë pasi ra nga skela dy ditë më parë kanë shprehur dhimbjen e tyre në rrjetet sociale.
Në postime të ndryshme, qytetarët e Gramshit shkruajnë se Ergysi ishte një djalë i guximshëm që ja doli vetë mbanë në jetë.
Ky njoftim është publikuar në faqen zyrtare të Gramshit:
“Krejt papritur dhe në moshën më të bukur, u nda nga jeta bashkëqytetari ynë Ergys Shkelqim Brahimi. Nga sot qytetit tone do t’i mungojë një njeri i urtë, i sjellshëm, fjalëpaktë e punë shumë. Do t’i mungoje një i ri që, për aq sa jetoi, diti të ec guximshëm në rrugën e vështirë të jetës. Ergysi punoi pa kursyer asgjë, sepse puna ishte virtyt i bekuar prej Zotit vet. U prehtë në paqe shpirti i Ergysit dhe ngushëllime prindërve, motrave dhe familjareve te tij! Lamtumire, shoku yne Ergys! Varrimi behet nesër në orën 11.00 dt. 18.08.2019m,”- shkruhet në status.
Në një postim të “Gramshi Turistik” shkruhet:
“Sot ndodhi 1 aksident ne pune ne fasadën e 1 pallati në “rrugen e Elbasanit” Tirane ku u shemb skela qe kryheshin punimet!
Vdiqen 2 persona,ku 1 nga keta persona ishte Ergys Brahimi rreth 30 vjec ?
Djal I urte per shoqerine dhe i vetem per familjen e tij ???
Mu erren syt!
U turbullova!
Me iku zeri fare…kur mora vesh lajmin per ty Gysi!
Nuk mund ta besoj akoma ???
Te qofte dheu i lehte shoku im!
I paharruar qofte kujtimi yt!
Ngushellime familjes!
Ishte djal per se mbari ???
Pallat i mallkuar! More jeten e Gysit!”
Ndërsa në një tjetër status kjo faqe ka publikuar një postim të vetë Brahimit nga ku shihet në vendin e punës dhe mbi foton e tij shkruan në anglisht “Siguria është e para”, përkrah të cilës shkruhet:
“”Siguria eshte e para”
Fjale te thena nga Ergysi,djali nga Gramshi qe humbi jeten sot ne aksidentin qe ndodhi me skelat ne pune ne Tirane!
Shoku im ti,urtësia,zgjuarsia dhe mirësia jote nuk kane Per tu harruar kurre!
Zoti na dhente force Per ta përballuar kete humbje!”
Si pasojë e rrëzimit të skelës ku po punonin 5 punëtorë, dy prej tyre humbën jetën, dhe tre të tjerë u plagosën.
Dy viktimat e ngjarjes së rëndë ishin të rinjtë Ergys Brahimaj dhe Orjan Kodra, ndërsa të plagosur mbetën Genti Bardhi, Euglidios Lika dhe Altin Marku, të cilët fatmirësisht ndodhen jashtë rrezikut për jetën.
Kujtojmë se rikonstruksioni i fasadave ishte një projekt i Bashkisë së Tiranës, çka e thellon dhe më shumë skandalin dhe vë mjaft në pikëpyetje kushtet në të cilat detyrohet që të punojnë shqiptarët. (Lexo edhe këtu)
(F.GJ/FAXWEB.AL)
Discussion about this post