Ka qenë një nga ato befasitë që kushdo do ta donte. Fiks në mesnatë Xhemi Shehut , një nga moderatoreve më të dashura të ekranit i është bërë një surprizë vërtet për të mos u humbur.
Ajo ka pasur ditëlindjen dhe për urimin e parë dhe befasues kanë menduar Arbana Osmani dhe Eno Popi, dy nga miqtë e saj më të mirë.
Ata kanë shkuar në banesën e Xhemit dhe poshtë shkallëve nuk ka munguar as një kërcim mes saj dhge Enos ndërsa në anën tjetër ndizeshin fishekzjarret. Arbana ndërkohë ishte duke memorizuar gjithçka me video.
Edhe pse kanë kaluar vite të tëra, treshja e ‘’Top Channel” kanë ditur të mbajnë marrëdhënie vërtet të afërta mes tyre, edhe pse tashmë janë bërë prindër dhe angazhimet janë shtuar.
Pak ditë më parë edhe Eno njoftoi se iu bashkua grupit pasi është në pritje të vajzës së tij. Në fund të së gjithës Xhemi ka mbetur vërtet me gojë hapur nga gëzimi dhe emocionet.
(E.K/FAXWEB)
