Në vijim të intervistës në Fax News, i ftuari i radhës ishte avokati i mirënjohur, Arbër Hoxha.
Hoxha në fillim u ndal te deklaratat e kreut të Prokurorisë së Posaçme, Altin Dumani, ku ai u shpreh se Prokuroria e Posaçme nuk bashkëpunon dot me policinë, pasi një pjesë nga radhët e kësaj të fundit është e inkriminuar. Hoxha u shpreh se deklaratat nga ana e Dumanit nuk janë akuza, por konstatime dhe se për këtë do të duhet një hetim më i gjatë.
Megjithatë, ai shtoi se për qytatarët ky nuk është shqetësimi më i madh.
“Ndryshimet në gjyqësor janë pjesvrisht pozitive, por jo atje ku duhet. Duhet të dimë se halllet dhe problemet e njerëzve nuk zgjidhen në SPAK, por në gjykatat e rretheve gjyqësore. Kam frikë se reforma në drejtësi e ka kolapsuar sistemin gjyqëso duke hequr një pjesë të madhe të gjyqtarëve. Qytetarët nuk marrin dot shërbime nga gjykatat. Sistemi është tërësisht jashtë funksionit”, tha Hoxha.
Hoxha u ndal gjithashtu dhe te miratimi i amnistisë penale.
“Lajm i mirë për të gjithë personat që vuajnë burgun ose që vendimi ka marrë formë të prerë. Më mirë vonë se kurrë. Por ligji është tepër i cunguar në raport me veprat penale të përjashtuara nga amnistia. Ky ligj shkel barazinë e qytetarëve, e parashikuar në Kushtetutë. Një njeri i dënuar për vrasje, përfitoje 1 vit e gjysmë ulje dënimi, kurse dikush i dënuar nga GjKKO për shitur hashashi nuk perfiton. Të gjithë mbrojtësit e këtyre personave mund t’i drejtohen Gjykatës Kushtetuese për konstatimin si në kundërshtim me Kushtetutën të ligjit. E gjitha kjo u arrit nga një pazar politik“, tha Hoxha.
Discussion about this post