Miratohen planet vendore të 11 bashkive, Gjermeni: Të respektohet zbatimi i tyre!

Pas mbledhjes së Këshillit Kombëtar të Territorit, Ministrja e Zvillimit Urban, Eglantina Gjermeni, tregon se KKT miratoi planet e përgjithshme vendore të 11 bashkive.

“Zhvillimi i territorit nuk udhëhiqet më nga mendësia e “zapto një sipërfaqe tokë e ndërto çfarë të duash e si të duash”, por nga instrumenta planifikimi që shërbejnë si udhërrëfyes të zhvillimit urban, investimeve dhe ndërtimit.  Janë 16 bashki (nga të cilat 5 bashki Lushnjë, Berat, Kuçovë, Elbasan dhe Fier të mbështetura nga Programi i USAID për Planifikimin dhe Qeverisjen Vendore) që kanë tashmë plane vendore. Në 15 bashki të tjera ky proces është drejt finalizimit dhe dorëzimit të planeve për miratim në Këshillin Kombëtar të Territorit,” tha Gjermeni.

Ministrja u bëri apel bashkive që të respektojnë zbatimin e planeve. (D.D/Shuplaka)