Kuvendi miratoi këtë të enjte, listen finale për Këshillin e Lartë të Gjyqësorit dhe Këshillin e Lartë të Prokurorisë, ndërsa partia Demokratike nuk ka votuar.
Për anëtarët e KLGJ-së kanë votuar pro 72 deputetë, 1 kundër dhe 1 abstenim. Ndërsa për KLP-në, pro kanë votuar 71 deputetë, 2 kundër dhe 1 abstenim.
Ky ishte raundi i tretë dhe i fundit për përzgjedhjen e anëtarëve jo gjyqtarë dhe jo prokurorë për në KLP dhe KLGJ.
Opozita kundërshtoi listën e kandidatëve për të dy këshillat, duke sjellë në vëmendje qëndrimet e mbajtura për secilin prej tyre nga Operacioni Ndërkombëtar i Monitorimit.
Kur asnjë prej kandidatëve nuk arriti të merrte katër vota nga anëtarët e nënkomisionit Ad-Hoc, goglat përzgjodhën edhe listat e kandidatëve, që u janë përcjellë Kuvendit dhe u miratuan këtë të enjte në seancë.
Ky ishte votimi i tretë, që Parlamenti bëri për anëtarët e KLP-së dhe KLGJ-së, pasi dy raundet e para dështuan sepse ishin të nevojshme 94 vota.
Lista finale për KLGJ e KLP
Këshilli i Lartë Gjyqësor
(Avokatët)
Fatmira Luli
Alban Toro
(Pedagogët)
Maksim Qoku
Erion Muharremaj
(Shoq. Civile)
Naurela Llagami
Këshilli i Lartë i Prokurorisë
(Avokatët)
Tartar Bazaj
Nurihan Seiti(Metaj)
(Pedagogët)
Gent Ibrahimi
Sandër Beci
(Shoq. Civile)
Alfred Balla
(M.Q/Faxweb)
Discussion about this post