Është miratuar në mbledhjen e Këshillit Bashikak të Tiranës projekti për mbjelljen e pishave të buta në autostradën Tiranë-Durrës.
Projekti u miratua me 31 vota pro, ndërsa Këshilltarët e PD u larguan pak para se të niste votimi i rendit të ditës.
Anëtarët e LSI-së thanë se ky projekt që kushton 2,5 milionë euro duhet të shkonte për punë më të rëndësishme në kryeqytet.
Përveç projektit për pisht janë miratuar edhe disa ndryshime në buxhetin aktual të Tiranës ku parashikohet rishpërndarja e fondit të investimeve dhe shpenzimeve korrente brenda Programit të Shërbimeve Publike Vendore, Programit të Planifikim Menaxhim Administrimit, Programit të Zhvillimit Ekonomik dhe Punësimit, Programit të Menaxhimit të Rrugëve dhe Transportit, Programit të Rendit dhe Mbrojtjes Civile, Programit të Ujësjellës Kanalizime dhe Programit të Strehimit dhe Planifikimit të Territorit për vitin 2017 si dhe rishpërndarjen e fondit të investimeve brenda Programit të Menaxhimit të Rrugëve dhe Transportit Publik dhe Programit të Kujdesit Social për vitin 2017.
Një tjetër vendim i këshillit Bashkiak ditën e sotme është dhe ai për të shtuar numrin e edukatorëve në çerdhe dhe në kopshte me 46 punonjës të rinj duke e çuar numrin total në 717. Kryebashkiaku Veliaj sqaroi se ky propozim vjen si nevojë e përmirësimit të shërbimit në institucionet paraarsimore dhe për të arritur standardet optimale të shërbimit në të 33 çerdhet e Tiranës, duke ruajtur raportin 1 kujdestar për çdo 5 fëmijë latantë.
(B.H/Faxweb)
Discussion about this post