Faxweb.al ka mësuar detaje të reja nga vrasja e 34-vjeçarit Eri Zefi ditën e sotme në fshatin Zall Xhuxhë të Mirditës nga persona/person ende të paidentifikuar.
Viktima është me pashaportizim në Laç, me origjinë nga Kimza që e kap administrativisht Puka, por që ditën e sotme ishte nisur për një vizitë tek dajat e tij në Gjalëz të Fanit dhe mendohet se i është zënë pritë duke e vrarë dhe hedhur në një kanal.
Gjjithashtu burimet bëjnë me dije se 34-vjeçari është vëllai i Ndue Zefit, i cili në shkurt të këtij viti ka vrarë në Durrës fqinjin e tij, Martin Ndrecën pas një sherri për motive të dobëta.
Pas disa ditësh në arrati, Ndue Zefi u paraqit vetë në komisarit ndërsa Gjykata e Durrësit lë në burg 37-vjeçarin Ndue Zefi, i akuzuar për vrasjen e fqinjit të tij.
Ndue Zefi akuzohet për “Vrasje në rrethana cilësuese” dhe “Mbajtje pa leje dhe prodhimi i armëve, armëve shpërthyese dhe i municionit”, të parashikuara nga nenet 79/1/dh dhe 278/1 i Kodit Penal.
Ngjarja për të cilën akuzohet Zegi ndodhi më 24 shkurt, në orët e para të mëngjesit ku pranë banesës së tij u gjet i bdekur Martina Ndreca (lexo këtu). Autor u identifikua Ndue Zefi cili u vetëdorëzua në policinë e Shkodrës pak ditë më pas ndërsa deklaroi se e kishte vrarë “për nder” Ndrecajn (lexo këtu).
Vrasja e 34-vjeçarit ditën e sotme në Mirditë, ka dyshime se mund të jetë bërë për motive gjakmarrjeje ndërsa pritet një pistë zyrtare nga ana e Policisë.
Ndue Zefi ka deklaruar përpara organit të akuzës rreth 6 muaj më parë se me viktimën Martin Ndrecën kishte njohje të vjetër sepse kanë jetuar në të njëjtin fshat për disa vite.
“Me Martinin kemi njohje të vjetër, sepse kemi jetuar në fshatin Adriatik për disa vite. E konsideroja njeri të besuar, por më preu në besë. Kisha dëgjuar llafe të ndryshme, që kanë të bëjnë me çështje nderi”.
Lidhur me arsyet dhe rrethanat që e shtynë të ndërmerrte një akt të tillë Zefi ka thënë:
“Atë ditë (ditën e ngjarjes) shkuam për t’i kërkuar llogari për veprimet e tij, nuk u morëm vesh si njerëz pasi u soll në mënyrë arrogante, duke mos më lënë asnjë zgjidhje tjetër. U përplasëm fillimisht në lokal, pastaj edhe në vendin ku ndodhi krimi. Qëllova në drejtim të tij disa herë me vetëdije të plotë, pasi e kishte hak plumbin. Pasi konstatova se kishte vdekur, u largova me shpejtësi nga vendi i ngjarjes”.
Ai ka deklaruar gjithashtu se tregon edhe se ku e hodhi armën pas vrasjes si dhe vendin ku ka qëndruar i fshehur për tre ditë me radhë.
“Pasi konstatova se kishte vdekur, u largova me shpejtësi nga vendi i ngjarjes. Pak metra larg vendit të krimit hodha armën, me të cilën kreva vrasjen dhe u largova në drejtim të Pukës, në vendlindjen time, për t’u fshehur”.
Zefi ka thënë ser vendosi të vetëdorëzohej në polici sepse donte të përballej me drejtësinë.
“Por vendosa të dorëzohem në Polici, sepse nuk kisha dëshirë të qëndroja i fshehur, por të përballem me drejtësinë”.
Kujtojmë se Zefi vrau fqinjin pas një debati banal në një lokal në zonën e Kënetës, vetëdorëzohet në polici Ndue Zefi 38 vjeç.
(F.GJ/FAXWEB.AL)
Discussion about this post