KQZ ka deklaruar se tre parti në vend kanë shkelur ligjin për depozitimin e raporteve financiare për fushatën zgjedhore. Sipas KQZ-së data e fundit ishte 25 shtatori,port re parti politike nuk e kanë respektuar këtë afat kohorë.
Në zgjedhjet për Kuvendin e Shqipërisë morën pjesë 18 parti politike nga të cilat deri tani vetëm Partia Drejtësi, Integrim dhe Unitet, Sfida dhe Aleanca Arbnore Kombëtare nuk e kanë zbatuar ligjin duke mos dorëzuar në kohë raportet.
“Komisioni Qendror i Zgjedhjeve informon opinion publik se referuar nenit 24/3 të ligjit 8580, datë 17.02.2000 “Për Partitë Politike” i ndryshuar, afati i fundit për depozitimin e raporteve financiare të partive politike për fushatën zgjedhore, ishte data 25 shtator.
15 parti politike e kanë dorëzuar raportin financiar në KQZ.·
3 parti politike nuk e kanë dorëzuar raportin financiar, konkretisht nuk e kanë zbatuar ligjin:·
Partia Drejtësi, Integrim dhe Unitet
Aleanca Arbnore Kombëtare
Sfida
Aktualisht, KQZ është në pritje të përfundimit të dorëzimit të raporteve të monitorimit financiar të fushatës dhe raporteve të auditimit financiar, të cilat do të krahasohen me fondet e përfituara dhe të shpenzuara, të deklaruara nga vetë partitë politike”, thekson zëdhënësja KQZ-së, Drilona Hoxhaj. (J.V/Faxweb)
