Ministri për Europën dhe Punët e Jshtme Ditmir Bushati në një postim në Tëitter thotë se askush nuk mund ti shpjegojë komentet e Bashës në ‘Twitter’ për ministrin e Brendshëm italian Matteo Salvini.
Bushati thotë se shpreson që llogaria e Bashës të jetë sulmuar.
“Unë me të vërtetë shpresoj se kjo llogari e udhëheqësit të opozitës shqiptare është sulmuar, përndryshe askush nuk mund të shpjegojë këto komente të Lulzim Bashës mbi popullin dhe vendin e tij. E turpshme.”, shkruan Bushati.
Kreu i Partisë Demokratike Lulzim Basha përshëndeti deklaratat e ministrit të Brendshëm italian Matteo Salvini ndaj mafies ndërsa i uron mirëseardhjen erës së ndryshimit edhe në anën tjetër të Adriatikut duke iu referuar Shqipërisë.
Basha tha se presionin duhet ta ndiejnë edhe mafia shqiptare dhe narkoshteti
“Mirësevjen era e ndryshimit. Së shpejti edhe në këtë anë të Adriatikut. Mafia shqiptare dhe narkoshteti i Ramës duhet të ndiejnë presionin e Italisë, në vend të gënjeshtrave, marrëveshjeve të fshehta dhe mbulimit të realititetit të deridjeshëm”, shkruajti Basha në dy gjuhë në Twitter duke shpërndarë edhe deklaratën e ministrit italian, i cili duke iu drejtuar mafies thoshtë se “argëtimi mbaroi”.
(B.H/Faxweb)
Discussion about this post