Mirel Josa është shprehur i mërzitur për humbjen e pësuar në Vlorë, por nga ana tjetër theksoi që skuadra u paraqit mirë.Ndër të tjera, trajneri i bardhebluve tha se skuadrës i duhen lojtarë më cilësorë për të arritur rezaultate më të mira.
“Nuk mund të them që është problemi për skemën. Por tek cilësia e lojtarëve. Ne kemi zgjidhur ndeshje dhe me lojtarë të tjerë. Natyrisht dhe mungesat ndikuan. Në pjesën e parë kishim tre raste të pastra për gol. Flamurtari ka gjuajtur në portën tonë tre herë. Ne duhej të kishim bërë më tepër, qoftë me goditjet në zonën e rreptësisë me Takun dhe Vucajn”.
Për skuadrën
“ Jam i kënaqur me skuadrën pasi i plotësuan pritshmëritë e mia. Mbetja me 10 lojtarë na penalizoi,u detyruam të nxjerim një mbrojtës, e futëm Muzakën pas sulmuesit. E rrezikuam Flamurtarin përsëri në një rast me Takun por kështu e ka futbolli. Duhet të ulim kokën dhe të punojmë qoftë dhe për organizmin e skuadrës”.
