Në emisionin e sotëm “Mirëmëngjes Fitness” në Fax News me Erandën dhe Skerdin u fol edhe për vështirësitë e një sporti si fitnessi. Skerdi u shpreh se ky sport përveç përgatitjes ka dhe vështirësi të tjera, pasi është shumë i shtrenjtë dhe shpenzimet janë të shumta.
Nevojiten sponsora për kampionë të fitness dhe bodybuilding pasi ata mund të jenë dhe imazhe kompanish. Por nga ana tjetër, duhet edhe shteti të subvencionojë kampionët në këtë sport.
Skerdi: Problematikë e këtij sporti është që është i shtrenjtë, duhen ushqime cilësore, shpenzimet janë shumë të mëdha. Një sportist duhet të lodhet mendërisht vetëm se çfarë programi ka.
Eranda: Duhen edhe sponsora dhe shteti të subvencionojë kampionët.
Skerdi: Të kishte sponsora dhe të kishin orientimin karshi nesh.
Eranda: Po se mund të jesh imazh i shumë kompanive.
Skerdi: Në vendin tonë nuk promovohet kjo pjesë e marketingut dhe shpresoj në të ardhmen të përmirësohet. Kemi marrë mjaft çmime në arenën ndërkombëtare dhe shpresoj të marrim shpërblime.
Eranda: Personalisht ndjehem me fat që kam në krah një koleg kaq të përgatitur por flet dhe me shumë kompetenca për çfarëdolloj stërvitje dhe ushtrimi. Edhe ju jeni me fat sepse po mësoni nga një prej më të mirëve.
