Ka qenë një status i kryeministrit Rama për transformimin e shëndetësisë ai që ka ngjallur reagime të shumta nga ndjekësit që në mëngjes në ‘Facebook’’.
‘’Mirëmëngjes, dhe ju uroj një ditë të mbarë me këtë imazh të përkushtimit 31 vjeçar të kësaj infermiere në një nga qendrat shëndetësore të Tiranës. Sot, Majlinda Beluli, falë taksës së ndershme vendosur më 2014 dhe rritjes së pagës këtë vit, merr çdo muaj 100,026 lekë më shumë se në 2013, ose 1,200,312 lekë më shumë në vit.
Shumë është bërë për shërbimet shëndetësore, spitalet, personelin mjekësor. Por ende më shumë mbetet për t’u bërë në rrugën e vështirë të rilindjes së shëndetësisë. Por edhe shumë ka për të humbur nëse ndalemi sot. Prandaj përpara për Shqipërinë që duam ’’, shkruante Rama.
Po njëra ng komentueset i është përgjigjur Ramës se standardet e shëndetësisë në vendin tonë janë shumë larg atyre që janë jashtë vendit.
Komentuesja: Mirmengjes z.kryeminister ..ne me ty jemi qe te shkojm perpara por vetem me keto foto jo ,se nuk jane te verteta .puna e mjekut duhet respektuar po do te ishte me mire qe spitalet te funksionojn si jane jashte vendit ,ku doktori merre vetem rrogen e shtetit . ..ne spitalet tona mos te rente e keqja se per nje gje me te vogel dhe ai qe eshte i varfer duhet ta mbushi xhepin plot se vec doktorit duan dhe infermieret lek …
Rama: E ke shume gabim Kela, ne spitalet tona ka ende shume me shume per te bere qe te behen si jashte shtetit, por ama as nuk diskutohet qe eshte bere shume dhe qe nuk eshte absolutisht e vertete se e keqja me e vogel te kushton ashtu sic thua ti! Mos paç kurre nevoje te shkosh ne spital po te siguroj qe nuk eshte asfare keshtu, edhe pse nuk mungojne edhe rastet e shembullit negativ ne kete drejtim.
Nuk kanë munguar as batutat kur njëri nga ndjekësit i drejtohet Ramës: Mirëmëngjes Kokosh. Po edhe kryeministri duket se ka qenë mjaft i gatshëm dhe i është përgjigjur: Mirëmëngjes o pulë, mirë u çele sot? (E.K/SHUPLAKA)
