Misioni i fundit i FMN-së në Shqipëri

Tre vjet më parë Shqipëria mori 330 milion euro nga Fondi Monetar Ndërkombëtar.

Sipas televizionit “Tv Klan”, këtë të martë, misioni i fundit i FMN-së do të mbërrijë në Tiranë për t’u marrë me detajet e fundit të këstit.

Do të jetë pikërisht shefja e FMN-së Anita Tuladhar, e cila do të vizitojë Ministrinë e Financave, Bankën e Shqipërisë dhe Ministrinë e Ekonomisë dhe bashkë me ministrin Arben Ahmetaj do firmosin marrëveshjen përmbyllëse dhe më pas ajo do t’i propozojë bordit në Ëashington lëvrimin e këstit të fundit të kredisë.

Përveç kësaj, në diskutimet e fundit të FMN-së do të përfshihet edhe drafti i fshirjes së gjobave.

Deri tani është rënë dakord që të fshihen të gjitha detyrimet tatimore dhe doganore të krijuara deri në vitin 2010-të dhe nga 1 janari 2011 deri në 31 dhjetor 2014-të do të fshihen gjobat, duke vënë si kusht pagimin e detyrimeve.

Por për gjobat e 2014-ës, do të ketë falje vetëm për dy kategori: ato të qershorit që u vunë në masë për deklarim të vonuar të punonjësve dhe gjobat e vëna kompanive të kasave fiskale për vonesa në furnizim gjatë aksionit anti-informalitet.

Në muajt e pranverës, një tjetër mission i FMN-së do të vijë në Shqipëri për të firmosur marrëveshjen e re të bashkëpunimit. (D.D/Shuplaka)