Misioni i punësimit mblodhi sot Kryeministrin Edi Rama me të rinjtë që kanë përjetuar eksperiencën e trajnimeve profesionale.
Rama prezantoi disa të rinj që sipas tij ishin shembull dhe i vuri në siklet duke i pyetur për rrogën.
Në fillim pyeti një vajzë.
Rama: Kur ke filluar punë këtu?
Vajza: Para disa muajsh
Rama: Çfarë roli ke?
Vajza: Planifikuese
Rama: Sa e ke rrogën
Vajza: Nuk mund ta them këtu, është pak personale.
Rama: Po si mos e tregosh, rrogat janë të deklaruara
Vajza: Le ta thotë ndonjëri nga përgjegjësit
Dikush përgjigjet nga salla 700 mijë, dhe vajza pohon me kokë.
Rama: Aaa prandaj nuk e thotë se e paska 700 mijë. Po ti djali tjetër sa e ke rrogën?
Djali: Unë 540.
“Hajdeni dhe ju të tjerët pse largoheni, hajdeni me jepni solidaritet se nuk e kam mirë këmbën e majtë,”- shprehet Rama duke qeshur.
Më pas u afruan edhe disa punonjës të tjerë të cilët treguan secili eskperiencat e veta.
Më tej Kryeministri u shpreh se është koha që të gjithë të kenë mundësinë të mësojnë të bëjnë diçka, një kurs formimi professional, dhe jot u drejtohen të gjithë universiteteve.
“Nuk janë të gjithë të prerë për të marrë njën diploma. Prindërit nëpër botë I adresojnë fëmijët e tyre aty ka kuanë aftësi. Këtu merrni diplomën dhe kujtoni se u zgjidh. Nuk jeni të aftë për punë pa një trajnim professional,”- përfundoi ai.
(F.M/Faxweb)
Discussion about this post