Mister në Sarandë, viktima gjendet me plagë pas koke poshtë pallatit ku banonte

Një ngjarje e rëndë ka ndodhur në orët e para të mëngjesit të sotëm në qytetin e Sarandës.

Një person i pajetë është gjetur në lagjen numër 4 të qytetit të Sarandës rreth orës 04:00 të mëngjesit të sotëm.

Mësohet se viktima është Leonard Qasari 62 vjeç, i cili është gjetur nga qytetarët e zonës me shenja dhune në trup. Trupi i tij është gjetur poshtë pallatit ku ai banonte, me familjen e së motrës. 

Policia ka gjetur gjurmë gjaku gjatë shkalleve të pallatit si dhe njërën shapke të viktimës.

Porta e banesës së viktimës është gjetur gjithashtu e hapur.

Policia ka dyshime se bëhet fjalë për vrasje, ndërsa vijon hetimet. Nga moment në moment pritet të dalin detaje të tjera rreth ngjarjes.

(E.K/FAXWEB)