Orë pas ore tashmë janë duke u raportuar raste të prekura me koronavirus në vendin tonë, ndërsa mjekët thonë se piku i pandemisë ende nuk ka ardhur.
Burime bëjnë me dije për Fax News se listës së qyteteve që rezultojnë persona pozitiv me Covid 19 i është shtuar sot edhe Maliqi.
Burimet bëjnë me dije se testi ka dalë pozitiv për shoferin e ambulancës të Maliqit.
Personi i infektuar ka shfaqur simptoma të infeksionit si temperaturë dhe vështirësi në frymëmarrje, kështu që i është nënshtruar analizave, të cilat kanë rezultuar pozitive.
Mbetet ende e paqartë se si është infektuar ky person nga koronavirusi, dhe mbetet për tu parë nëse ia ka transmetuat personave të tjerë me të cilët ka qenë në kontakt.
(E.K/Faxweb.al)
