George Michael ka vetëm një javë që është ndarë nga jeta por shkaqet e vdekjes së tij mbesin ende msiterioze. Sipas analizave të kryer nga policia pas vdekjes, janë ende të paqarta dhe jo përfundimtare. Po kështu specialistët mjekoligjorë kërkojnë kryerjen e analizave të tjera toksikologjike, rezulatat e të cilave pritet të merren vesh vetëm pas disa javësh, thuhet në njoftimin e Policisë.
George Michael është gjysëm qipriot, me nënë angleze dhe baba nga Qiproja. Ylli i muzikës britanike vdiq në moshën 53-vjeçare ditën e Krishtlindjes, në shtëpinë e tij në afërsi të Oksfordit. Fillimisht pas lajmit të vdekjes së tij u tha se 53-vjeçari kishte vdekur nga zemra. Por njoftimi i sotëm i “Thames Valley Police” nënkupton se një hetim i plotë do të duhet kryer tashmë për shkaqet e vdekjes, pasi nuk janë pikasur shenja të vdekjes për shkaqe natyrale, shkruan Top Channel.
George Michael është një nga këngëtarët më të njohur të muzikës Pop, e ka shitur rreth 100 milionë albume gjatë karrierës së tij. Ai njihet si një muzikant i madh, por edhe një bamirës i jashtëzakonshëm. Si një ndihmë e spikatur për refugjatët nga Kosova, pas konfliktit në ish-Jugosllavi, ai ka dhuruar personalisht gjysmë milioni stërlinash, ndërsa performoi në koncertin “live” në “Ëembley” për të siguruar fonde për krizën e refugjatëve. (J.V/Shuplaka)
