Mbrëmjen e sotme emisioni “Open” ka trajtuar temën, “Misteret e ngjarjes në Bllok”, ku avokati i Ervis Martinajt, ka mohuar të gjitha llojet e konflikteve mes klientit të tij dhe Ervin Matës, ndërsa ka sulmuar gjykatën, pasi sipas tij ka dhënë masën e sigurisë “arrest me burg” pa pasur prova.
Sipas avokatit Mirash Martini, klienti i tij, biznesmeni Ervis Martinaj ishte rastësisht në lokal.
“Asnjë lloj sherri nuk ka pasur mes klientit tim Ervis Martini dhe Ervin Matës. Martinaj ishte rastësisht në lokal”, tha ndër të tjera avokati.
I pyetur nëse ka pasur ndonjë konflikt pronësie klienti i tij me Ervin Matën, ai u përgjigj: “Jua thashë një herë, asnjë lloj konflikti nuk ka pasur”.
Duke u ndalur tek masa e sigurisë, avokati u shpreh se është një kërkesë e pa bazuar në prova.
“Vendimi arrest 30 ditor për t’i krijuar mundësinë prokurorisë për të hetuar ngjarjen. Nuk e di por në kërkesën e Prokurorisë nuk ka pasur asnjë provë për të kërkuar këtë masë”, – tha ai, duke kritikuar kështu masën e gjykatës.
I pyetur për arsyet e vrasjes, ai tha se nuk i di ato.
“Nuk e di. Nuk e di as Ervis Martinaj, pasi ai nuk ka pas asnjë konflikt”, – tha avokati Mirash Martini.
(B.B/ Faxweb.al)
Discussion about this post