Takimi i kryeministrit Rama në Fier me të rinjtë ka nxitur reagimin e kreut të LIBRA-së Ben Blushi. Ai ka kërkuar që partitë të nxirren nga shkollat dhe që fëmijë të mos përdoren pë qëllime elektorale. Ai kujton se edhe nëse fëmijët kanë ardhur me qejf në takim, rrugën nga Fieri në Apolloni dikush ua ka paguar sigurisht.
‘’TI NXJERRIM PARTITË NGA SHKOLLAT. I turpshëm mitingu i Edi Ramës me nxënësit e shkollave të Fierit. Edhe sikur të kishin ardhur me qejf duke lënë mësimin për të ndjekur të Pandjekurin, nuk do kishin dot aq para sa të paguanin autobuzët nga qyteti deri ne Apolloni. Edi Rama i mblodhi me urdhër duke ju folur kundër partive që ata apo prindërit e tyre duan të votojnë.
Mësuesit i kërcënuan me nota ose me mungesa. Është njëlloj sikur të kërcënosh pacientët se do ti zbosh nga spitali po nuk votuan për ty. Në një vend normal këta mësues pushohen nga puna. Prandaj jam më I bindur se kurrë për depolitizimin e trupës mësimore.
Mësuesit nuk duhet të kenë të drejtë të marrin pjesë në parti, as në komisione, as në mitingje, njëlloj si policët. Kështu shpëton edhe shkolla,edhe partia edhe Apollonia. Duhet ta kthejmë në normë. Edi Rama natyrisht le ta votojë kundër’’, shkruan Blushi.
