Universiteti i Mjeksisë në Tiranë ka reaguar sot në lidhje me masat në arsimin e lartë sa i përket rifillimit të vitit akademik për këto muaj sa kanë ngeluar.
Në një urdhër të firmosur nga kryetari i Senatit Akademik, Arben Gjata, bëhet me dije se viti akademik është shpallur i mbyllur dhe ka marrë vendimin që semestrin e dytë ta mbyllë online.
Në vendim thuhet se provimet do të zhvillohen me shkrim duke ruajtur distancën për shkak të COVID-19 ose në formën online. Kujtojmë se një ditë më parë Fakulteti i Gjuhëve të Huaja njoftoi se provimet dhe mbrotja e diplomave këtë vit do të bëhet online, për shkak të situatës së COVID-19.
