Mjeku Andi Koraqi në një intervistë për gazetaren e Fax news Ema Shazivari, ka folur lidhur me situatën e Covid 19 në vendin tonë, që duket se po ka një shpërthim rastesh të reja ditë pas dite. Koraqi tha se sipas tij nuk ka një rënie të agresivitetit të virusit, ndërkohë që rritja e numrave bëhet për shkak se njerëzit kanë më shumë kontakte sesa gjatë karantinës, dhe se koha që qendrojnë me njëri tjetrin është më e madhe.
“Është rritur frekuenca e kontakteve dhe koha e qendrimit me njëri tjetrin, numrat pritej që të ishin më të lartë. Jo të gjithë viruset e humbin agresivitetin e tyre me rritjen e temperaturave, këtë e respektojnë viruset sezonale si gripi, që kanë një temperaturë optimale për tu shumuar. Covid 19 nuk ndikohet në mënyrë të drejtpërdrejtë nga temperaturat e larta, mund të frenpojnë vetëm nivelin e transmetueshmërisë së virusit. Nga të dhënat që ne kemi nuk ka një rënie të virulencës së virusit”, tha Koraqi.
Ndërkohë lidhur me skenarin për të kthyer spitalet rajonale në spitale Covid, Koraqi tha se ky është një vendim që duhet të merret nga qeveria, dhe është pjesë e skenareve që janë bërë prej fillimit të pandemisë.
I pyetur lidhur me testimet sereologjike, Kocaqi tha se në 4 mijë të tilla që janë kryer, vetëm 5.8% e tyre kanë rezultuar se e kanë kaluar koronavirusin, ndërsa sipas tij në popullatë, numri mund të jetë dhe më i vogël.
“Skenaret janë bërë shumë kohë më parë, dhe nuk përjashtohet mundësia që me rritjen e rasteve të ketë shtrirje të spitaleve Covid dhe në ato rajonale. Derimë tani janë testuar rreth 4 mijë persona, ka një pozitivitet rret 5.8%, që smund të thuhet me siguri, kjo shifër është në gupet e rriskut dhe jo për pjesën e popullatës, ku përqindja mund të jetë edhe më e ulët.
Përqindjen më të lartë në radhët e spitaleve e ka Covid 1, që është pozitivitet rreth 15% e personelit mjekësor, dhe më pas spitalet e tjera. I takon qeverisë që të vendosë nëse do të shtrihet testimi sereologjik në shtresa të tjera, siç mund të jenë edhe punonjësit e policisë.
Po ti referohemi koronavirusit, ata përhapen dhe përmes ujit, por është fat që ata janë të ndjeshëm ndaj dezinfektantëve, dhe për momentin nuk shoh ndonjë rrezik për përhapjen e tij në ujë. Ka një grumbullim shumë të madh për metër katror, dhe rreziku më i madh është pikërisht nga kontaktet e drejtpërdrejta, më shumë sesa nga vetë uji”, shtoi më tej Kocaqi.
(E.K/Faxweb.al)
Discussion about this post