Mjeku i njohur Petrit Vargu, ka marrë një vërejtje me shkrim nga drejtori i QSUT-së Enkelejdi Joti, me arsyetimin se ka shkelur kodin etik të spitalit.
Kjo e ka nevrikosur mjaft mjekun e QSUT-së, i cili shprehet se ka vendosur ta çojë çështjen në gjyq. Vargu deklaron se do t’i kërkojë Jotit, para për prishjen e imazhit.
“Besoj se e kuptoni pse ngul kembe tek ky fakt. Se shpejti do te pergatis procesin gjyqesor, por kete rradhe, per here te pare, do t’i kerkoj para per prishjen e imazhit pasi nuk i duroj dot me.”, shkruan Vargu.
Kujtojmë se Vargu është ndër të paktët mjekë që ka ngritur zërin për të shprehur pakënaqësinë ndaj mënyrës së si funksionon sistemi shëndetësor në Shqipëri.
REAGIMI I VARGUT
Sot mora verejtje me shkrim per shkelje te rregullores se funksionimit te Q.S.U Nene Tereza. Siç me tha personeli protokollues dhe shperndares, letra ka shkuar sot ne mengjes, me date 10/07/2017, por eshte protokolluar sikur te jete me date 07/07/2017.
Nese ndokush do te tentoje te vertetoje te kunderten duke i bere presion personelit, ky subjekt do te behet objekt studimi kriminalistik, pasi informacionet nga te gjitha anet me kane thene qe letra ka shkuar sot qe te protokollohet sikur ka shkuar diten e premte.
Edhe korrierit, i cili rri ne protokoll, i eshte dhene po sot. Besoj se e kuptoni pse ngul kembe tek ky fakt. Se shpejti do te pergatis procesin gjyqesor, por kete rradhe, per here te pare, do t’i kerkoj para per prishjen e imazhit pasi nuk i duroj dot me.
Ne momentin kur do te fitoj gjyqin, gje qe eshte e sigurte pasi akuza eshte qesharake dhe e pabazuar ne ligj, do t’ju njoftoj. Ndersa parate do t’i shkojne azilit te pleqve qe ndodhet ne minibashkine nr.1 Tirane. (D.D/Shuplaka)
