Mjeku duhet të jetë i qetë, miqësor dhe human. Por mesa duket këtë gjë nuk e di një mjek në Poliklinikën e Specialiteteve në Elbasan, i cili shtyn dhe kërcënon qytetarët që presin në rradhë.
“Jeta Osh Qef” ka publikuar një video ku shihet se një prind, i cili kishte fëmijën shumë sëmurë ka trokitur në derën e mjekut. Ky i fundit kishte mbyllur derën dhe po vizitonte një tjetër fëmijë. Sigurisht, i alarmuar për gjendjen e fëmijës së tij, prindi ka kërkuar të hyjë brenda, ndërsa më pas ka ndodhur gjithçka.
Mjeku ka filluar të ulërasë e të kërcënojë qytetarët që të rrinë larg, madje njërin prej tyre e shtyn me forcë. (A.R/SHUPLAKA)
DEBATI QYTETAR-DOKTOR:
Qytetari: Mos bërtit se s’ta ka njeri frikën, bën si gangster
Doktori: Ik ore, gangster jam! Këtu jam gangster! (Duke debatuar me një tjetër qytetar)
Qytetari: Ik andej o burrë, është gocë e vogël e sëmurë
Doktori: Ore e ke menjen n’kokë ti?
Qytetari: 1 sekondë
Doktori: Asnjë sekondë, edhe derës mos i bjer!
