Mjeti rrëzohet në lumin Drino, si shpëtuan çifti që kthehej nga Greqia (VIDEO)

Një aksident ka ndodhur mëngjesin e sotëm në afërsi të lumit Drino në Gjirokastër.

Automjeti tip Ford me targa ‘’aa626ej’’ ka përfunduar në lum, pasi drejtuesi ka humbur kontrollin. Dy personat që ndodheshin në mjet kanë mundur që të dalin në kohë nga makina duke shmangur tragjedinë.

Ata janë dëmtuar lehtë po fatmirësisht janë jashtë rrezikut për jetën. Paraprakisht mësohet se ata kanë qenë burrë e grua dhe ishin duke u kthyer nga Greqia. 

Automjeti ishte duke udhëtuar nga Gjirokastra në drejtim të Tiranës. Ngjarja ka ndodhur në orën 07:20.

‘’Faxweb” sjell dhe pamjet se ku ka përfunduar mjeti, ndërsa Policia ndodhet në vendngjarje për të zbardhur më tej rrethanat e këtij aksidenti. Nuk dihen identitetet e personave që kanë mbetur të lënduar.

(E.K/FAXWEB)