Drejtori i Përgjthshëm i Policisë së Shtetit, Haki Çako, ka zhvilluar një takim me kryeprokurorin Adriatik Llalla.
Ai i është drejtuar këtë mëngjes zyrës së Llallës, për të shkëmbyer informacionin e nevojshëm lidhur me protestën e opozitës. Mësohet se ka qenë vetë kreu i policisë që ka kërkuar zhvillimin e këtij takimi që po zhvillohet dy orë përpara manifestimit masiv të opozitës drejtuar nga Partia Demokratike.
Pas takimit Çako-Llalla që ka 20 minuta që ka nisur, pritet një deklaratë e përbashkët për shtyp.Gjatë ditëve të fundit, drejtori i Policisë së Shtetit, ka zhvilluar takime me shërbimet e inteligjencës në kuadër të protestës.
Rreth 2.000 forca policie janë angazhuar në terren, ku mes protestuesve do ketë agjentë të antiterrorit. Një detaj që nuk duhet humbur është se pjesë e kordonit të parë përballë kryeministrisë do të jenë edhe efektivet femra.
(XH.A/SHUPLAKA)
