Kryeministri i Kosovës, Isa Mustafa, ka reaguar ndaj akuzave të opozitës dhe përpjekjeve të saj për të rrëzuar qeverinë kosovare. Duke akuzuar deputetët opozitarë, ai është shprehur se e gjitha kjo është një përpjekje për të penguar themelimin e ushtrisë.
Sipas kreut të Qeverisë, mocioni i iniciuar nga opozita është një lloj pamfleti që ka për qëllim destabilizimin e vendit. Ai ka mohuar akuzat ndaj zyrtarëve në qeveri dhe u ka bërë thirrje organeve të drejtësisë që të merren me rastin.
“Kjo sjellja është e papranueshme dhe shërben për larje të hesapeve politike. Peticioni ka për pasojë destabilitetin e vendit, duke krijuar pa siguri dhe ka për qellim fshehjen nga aferat politike dhe dëmet milionëshe që i janë shkaktuar Kosovës.
Të nderuar deputet ne jemi vendi me rritjen më të madhe ekonomike, me luftën më të madhe kundër terrorizmit, dhe vendi më i suksesshëm në menaxhimin e migrimit. Kemi fituar kodin telefonik, kemi krijuar kushte që ligjet të aplikohen në tërë territorin. Ne kemi trashëguar borxhe të pa paraqitura në buxhet me 120 milionë euro dhe kemi rritur buxhetin 400 milionë euro.”, është shprehur ai ndër të tjera në seancën plenare.
(XH.A/SHUPLAKA)
