Modelja shqiptare Lorena Haliti jeton prej kohësh në Amerikë. Së fundmi, ajo po përballet me një ngjarje tejet të pazakontë me kompaninë “Uber”. Gjatë një shëtitjeje nëpër rrugët e Amerikës, ajo i ka kërkuar shoferit të kompanisë t’i vërë disa këngë shqiptare.
Mirëpo shoferi serb nuk e ka pritur mirë kërkesën e saj. Ai i ka nisur një ankesë për kompaninë, tek e cila i ka krahasuar shqiptarët me nazistët dhe pjesëtarë të Klanit KKK. Shoferi ka shkruar se modelja i kishte kërkuar të vinte muzikë të një populli që “ata i ka shkelur dhe masakruar”.
Pas letrës së tij, kompania “Uber” ka bllokuar menjëherë llogaritë e modeles në “Uber” dhe “UberEats”. Kjo kompani ofron shërbime taksie, si edhe dërgesa të ushqimeve. Lorena i ka shkruar kompanisë, duke u shprehur se po mbështesin racizmin etnik dhe po e bllokojnë pa asnjë hetim. Mirëpo ajo ende nuk ka marrë një përgjigje.
“E bëra shoferin tim serb të dëgjojë muzikë shqiptare”, ka shkruar modelja në një status në Twitter.
Discussion about this post