Modeli i famshëm shqiptar, Alessio Alia është bërë baba për herë të parë. Tropojani që ka një karrierë të suksesshme në Australi, ka ndërprerë turin e nisur me Justin Bieber dhe Martin Garrix, për të shkuar në maternitet pasi gruaja e tij Katherine po sillte në jetë vajzën e tyre.
Vogëlushja Jolie Roze Alia lindi më 14/03/2017 në orën 3:53 pm, në Australi. I emocionuar e jashtëzakonisht i lumtur, Alessio pranoi të ndante me “revistawho.com” dy fjalë për gëzimin e tij.
“Sot jam burri më i lumtur në botë… Më krenari! Nuk paska ndjesi më të bukur sesa të mbash në duar frytin e një dashurie të madhe. Faleminderit Jolie Roze Alia që e bekove jetën time. Faleminderit Zot!”, tha Alia. (J.V/Shuplaka)
