Në foto: Shtëpia e krimit makabër në Korçë
Reagon ashpër moderatori pas dy vrasjeve makabre në Fier dhe Korçë.
Të shtunën Liljana Ruko u hodh nga bashkëshorti nga dritarja e tualetit në katin e katërt të pallatit ku banonin duke gjetur vdekjen, kurse sot një baba në Korçë, Naum Toshi vrau dy djemtë e tij të mitur dhe më pas veten.
Edi Oga, moderator dhe figurë e njohur televizive pyet me të drejtë se ku po shkon kështu ”shoqëria hipokrite shqiptare”, e cila sipas tij është duke pritur modelin e ri të Iphone-it.
”Ndërkohë që disa janë duke pritur modelin e ri të iphone, disa duke fryrë buzët dhe vithet, disa duke siguruar mandatet e pushtetit edhe për dekadën e ardhshme, disa të tjerë e kanë humbur luftën me mjerimin, vuajnë, dhunojnë, dhunohen… burrat hakmerren me gratë duke i vrarë ose duke i ndëshkuar në mënyrën më ekstreme, duke i bërë të provojnë dhimbjen më çnjerëzore, atë të vdekjes së fëmijëve !
Quo vadis, shoqëria hipokrite shqiptare !”, shkruan Oga.
