Moderatorja e njohur Fiori Dardha ka publikuar Ditën e të Dashuruarve një fotografi shumë të veçantë për të, e shkrepur një vit më parë, pikërisht në Shkurt.
Është një moment i shkëputur nga qëndrimi në spitalin Onkologjik të së ëmës, ku ajo shihet në shoqërinë e bashkëshortit të saj. E bija e tyre shkruan se për prindërit gjërat nuk kanë shkuar vaj dhe as nuk kanë qenë një çift perfekt, por tanimë ata janë më të penduar e të bindur se kurrë më parë për të qenë bashkë deri ditën ne fundit.
Fotoja me plot dhimbje brenda, sikundër shprehet Fiori, mbart një mesazh mjaft të fortë për të gjithë ne. Një mesazh i vlefshëm për të kuptuar se nuk duhet të kapemi pas momenteve të këqija dhe të vështira, por të dhurojmë dashuri.
“Kjo foto eshte shkrepur ne nje nga dhomat e spitalit onkologjik, ne shkurt te vitit te shkuar. Ka shume trishtim ne te! Shume dhimbje! Prinderit e mi, nuk kane qene ai cifti perfekt qe ecin dore per dore, ai cifti qe pas 50 vitesh bashke thone “nuk kemi nderruar kurre nje fjale te ashper me njeri – tjetrin” e qe cdo gje u ka shkuar vaj. Jo! Kane qene nje cift qe ne 38 vite bashkejetese kane patur debate, kriza te forta, momente dramatike, probleme ekonomike e plot halle te tjera familjare. Sot jane keshtu! Ne kete moshe jane pikerisht keshtu! Me te bashkuar se kurre, me te penduar se kurre per momentet e palumtura qe i kane “dhuruar” njeri – tjetrit nder vite e me te bindur se kurre per te qene bashke deri diten e fundit. Kjo foto ka shume trishtim, ama, une e dua shume!”, shkruan Fiori Dardha bashkangjitur fotos.
(XH.A/SHUPLAKA)
Discussion about this post