Fax News bën me dije se komisionerja e lartë e BE për Politikën e Jashtme, Federica Mogherini ka mbledhur në një takim në kryeqytetin e Maqedonisë, kryeministrat e rajonit.
Kryeministrat e mbledhur në këtë takim janë ministri pritës Zoran Zaev, kreministri Edi Rama, kryeministri i Kosovës Ramush Haradinaj, kryeministrja serbe Ana Brnabiç, kryeministri i Malit të Zi Dushko Markoviç, dhe kryeministri i Bosnjë-Hercegovinës Nermin Nikshiç.
Më herët gjatë pasdites kryeministri Edi Rama ka publikuar në Facebook, një foto ku ai dhe homologët e Ballkanit Perëndimor ndodheshin në Ohër bashkë me shefen e Politikës së Jashtme të BE-së, Federica Mogherini.
Siç paralajmëroi ditën e djeshme, Federica Mogherini do të niste sot një tur në Ballkanin Perëndimor, tur i cili nisi në mëngjes nga Tirana me dorëzimin e progresraportit pozitiv për çeljen e negociatave për anëtarësimin e Shqipërisë në BE.
(E.L./Faxweb)
