Përfaqësuesja e lartë e Bashkimit Europian Federika Mognerini në fjalimin që mbajti në Tiranë në Universitetin Politeknik tha se dera e BE për Shqipërinë është e hapur por se edhe shqiptarët duhet të ndihmojnë procesin . Ajo shkoi më tej duke thënë përpara të rinjve se nuk duhet të kenë durim por tu kërkojnë përgjegjësi liderëve të tyre.
“Shqipëria është në Europë dhe duam që shqiptarët të bëhen pjesë e BE. Bashkimi nuk ka për të qenë i plotë derisa i gjithë Ballkani perëndimor të hyjë. Dera e BE është e hapur për ju, jo vetëm Shqipëria. Ju e dini që ne e quajmë këtë proces zgjerimi, mua nuk më pëlqen ky term, sepse presupozohet se ekziston një qendër që zgjerohet, integrimi është ai më i rëndësishmi. BE duhet të jetë edhe për ju. Ju keni disa detyra shtëpie, duhet të keni gjyqësorin, më lejoni të them që tani e ka Shqipëria e ka në dorë, Shqipëria ka ndryshuar shumë, Shqipëria është një antare e NATO, me përgjegjësi. Unë e di që mesazhi që prisni prej meje eshte tregoni durim, jo mos tregoni, por kërkojuni llogari liderëve tuaj, me pjesëmarrjen në shoqëri, ju jeni vetë Shqipëria. Jeni e tanishmje e vendit” tha ajo.
Mogherini po ashtu tha se BE është gati për negociatat dhe se tani është radha e Shqipërisë që të tregojë vendosmëri për integrim. Ajo bëri një mbyllje të ndjerë të fjalimit duke u lutur që të punohet më shumë për ta bërë Shqipërinë pjesë e BE.
“Tani ka ardhur koha drejt BE, në anën tonë ne jemi gati të fillojmë negociatat, udhëheqja shqiptare të marrë hapat e duhur. Ne jemi gati , tani ju takon juve. E di që situata politike është e tensionuar, por në momentin kur vihet në pikëpyetje integrimi, lidershipi duhet të tregojë maturi. Ne si europianë nuk e kuptojmë gjithë pasurinë që kemi, ama shumë duhet të bëhet ende. Juve duhet të shikoni BE si të ardhmen e afërt. Mbështetem tek ju. Ju lutem afrojeni vendin drejt BE” përfundoi Mogherini.
(M.D/ Shuplaka)
Discussion about this post