Shefja e Politikës së Jashtme në Bashkimin Europian, Federica Mogherini, do të zhvillojë takime në Ballkanin Perëndimor gjatë javës së ardhshme. Pritet që ajo të vizitojë Maqedoninë, Serbinë dhe Kosovën.
Vizita zyrtare në Prishtinë do datojë më 3 mars, ku Mogherini do të marrë pjesë në përurimin e përfundimit të punimeve në urën e lumit Ibër në Mitrovicë, referuar mediave kosovare.
Gjatë qëndrimit në Prishtinë, ajo do të zhvillojë takime me Presidentin e Republikës së Kosovës, Hashim Thaçi dhe me kryeministrin Isa Mustafa. Mësohet se ajo do të marrë pjesë edhe në një drekë që do ta organizojë kryetari i Kuvendit, Kadri Veseli, ku janë ftuar të gjithë liderët e partive politike në Kosovë. (XH.A/SHUPLAKA)
