Mediat serbe kanë raportuar sot se shefja e diplomacisë së BE-së, Federika Mogherini, është larguar nga takimi i Këshillit të MSA-së, për shkak të një kërkese të bërë nga kryeministri i Kosovës, Ramush Haradinaj.
Sipas medias serbe ‘Tanjung’, Haradinaj ka kërkuar që të rritet pjesëmarrja e SHBA në procesin e dialogut të Beogradit dhe Prishtinës.
Po sipas tyre, këtë kërkesë Mogherini e ka marrë si personale dhe është larguar nga mbledhja e Këshillit, përpara se të përfundojë.
Mirëpo një gjë të tillë e ka mohuar këshilltarja politike e kryeministrit Haradinaj, Meliza Haradinaj-Stublla. Ajo ka thënë se ky lajm është fabrikim i medieve serbe.
“Jo nuk është e vërtetë, Mogherini nuk ka ikur nga takimi. Është fabrikim i medieve serbe”, ka thënë Haradinaj-Stublla për Telegrafin. (B.H/Faxweb)
Discussion about this post