Një moment tmerri është regjistruar ditën e diel, teksa klubi gjerman i Hertës së Berlinit, ishte duke u kthyer në kryeqytet pas triumfit ndaj Kolnit në ndeshjen e Bundesligës gjermane.
Avioni i skuadrës bardheblu është goditur nga një rrufe dhe kjo ka tronditur jashtë mase lojtarët dhe stafin drejtues të Hertës, por që fatmirësisht ka kaluar pa pasoja të rënda.
“Kishte një zhurmë të madhe dhe të bërtitura. U ndez një dritë e madhe dhe të gjithë e panë. “Unë u frikësova. Më vjen mirë që u ulëm në mënyrë të sigurt.
Kurrë nuk e kam provuar diçka të tillë. Ishte një moment qesharak. Na hyri frika deri në palcë. Fatmirësisht dy pilotët e drejtuan në mënyrë të sigurt avionin drejt Berlinit”, ka treguar një nga drejtuesit e klubit gjerman, Mikael Pritz për “Bild” .
Discussion about this post