Kreu i LSI-së dhe njëkohësisht i Kuvendit Ilir Meta, sot është zgjedhur si Presidenti i ri i Republikës, që do të zërë vendin e presidentit aktual Bujar Nishani.
Kuvendi i Shqipërisë e zgjodhi Metën me 87 vota pro dhe 2 kundër si Presidentin e shtatë të Republikës. Të vetmit që votuan kundër ishin Ben Blushi si edhe Mimoza Hafizi e LIBRA-s, ndërkohë që opozita nuk ishte e pranishme në votim.
“Shuplaka” sjell disa nga momentet më pikante përmes një fotogalerie, nga procesi i votimit. Ky ishte raundi i katërt i zgjedhjes për president, pas tre raundeve të dështuara njëri pas tjetrit. Ndërkohë është diskutuar shumë se kush do ta zëvendësojë Metën në kreun e LSI-së, mirëpo ka qenë vetë kreu aktual që e ka sqaruar.
“Nuk ka nevojë të përmend emra, LSI ka një statut të qartë. Pas kryetarit ka zv. kryetarin e parë që dihet. Ka qenë Petrit Vasili më i votuari në konventë dhe pa asnjë diskutim do jetë ai drejtuesi i LSI deri në përfundim të mandatit tim”, deklaroi Meta. Betimin si Presidenti i ri, Meta pritet ta bëjë më datë 22 korrik. (D.D/Shuplaka)
[ngg_images source=”galleries” container_ids=”1693″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
Discussion about this post