Monako ka fituar ndaj Saint Etienne me rezultat 2-0 dhe kështu është shpallur kampion në Ligue 1. Golin e parë në takim e shënoi Kylian Mbappe në minutën e 19-të pas asistimit nga Falcao.
Me këtë francezi bëhet lojtari më i ri në shekullin XXI që shënon 15 gola në një sezon të vetëm në top pesë ligat evropiane. Në minutat shtesë të takimit shënoi edhe Valere Germain. Ekipi I Monakos ishte shumë më lartë se Saint Etienne dhe nuk e vuri në diskutim fitoren.
Hera e fundit që Monako kishte fituar titullin në Ligue 1 ishte në sezonin 1999/2000,17vite më parë. Monako shpallet kampion me 92 pikë, gjashtë pikë me shumë se PSG-ja që është në vendin e dytë. Titulli I fituar është I 8 në historinë e kësaj skuadre. Lojtari që spikati në ndeshje ishte 18 vjeçari Mbappe, Ai ka qenë protagonist kryesor në këtë sezon dhe për këtë arsye është një nga emrat më të lakuar për merkaton e verës. (B.H/Shuplaka)
Discussion about this post