Gjatë ceremonisë së betimit të Ilir Metës si president nuk kanë qenë të pakta edhe takimet mes liderëve të partive kryesore politike. Madje nuk kanë munguar edhe shtrëngimet e duarve midis tyre.
Ajo që na ra në sy ishte edhe takimi mes kreut të Partisë Demokratike Lulzim Bashës dhe kreut të Lëvizjes Socialiste për Integrim, Monika Kryemadhit.
Një takim që nuk duhet humbur pasi tashmë të janë dy opozitarët e ardhshëm, zërat më të fortë kundër qeverisë Rama. Madje kjo është nënvizuar së shumti edhe nga dy liderët e sipërpërmendur pas rezultatit të zjgedhjeve të 25 qershorit.
Ashtu siç shihet edhe në videon e mëposhtme të publikuar nga “Report Tv”, fillimisht ishte Basha ai që po shikonte Kryemadhin për ta përshëndetur, po kjo e fundit nuk e kishte mendjen. Në një moment Monika Kryemadhi kthehet nga Basha, zgjatet dhe e përshëndet. Nuk mungon as një shtrëngim duarsh mes tyre dhe buzëqeshje nga ana e të dyve. Ata bisenduan me njëri tjetrin për pak çaste dhe menjëherë vëmendja e tyre u fokusua te ceremonia.
Sjellim në vëmendje që Kryemadhi dje nuk qëndroi pranë Metës si Zonja e Parë e vendit, por u vendos në rradhët e politikanëve, duke mbajtur pozicionin si kryetare e LSI-së, një parti opozitare.
Theksojmë që Kryemadhi ka refuzuar postin si Zonja e Parë e vendit që pas miratimit të Metës si president nga Parlamenti. (J.V/Shuplaka)
Discussion about this post